تكمله لسلسله بوستات #جهزي_صح ثالثاً / أطقم الحلل: هما طقمين حلل كفايه اوى ي بنات... ايه هم…

Admin Rana

قبل 3 سنوات

تكمله لسلسله بوستات #جهزي_صح ثالثاً / أطقم الحلل: هما طقمين حلل كفايه اوى ي بنات... ايه هما بقى؟ 🧡 النوع الاول طقم إستانلس ستيل ده أساسى .... ليه؟ 🔹نوع صحي وآمن تماما مش بيتفاعل مع الاكل. 🔹بنسبه 100% لا يتفاعل مع اى بكتيريا. 🔹يستحمل ويعيش معاكي العمر كله. 🔹 حلو جدا ف سلق الاكل . ✅وانتي بتشتري طقم حلل إستانلس هتاخدي بالك من ايه؟ 🔹 مختوم عليها العيار 18/10 أو 304 دا أعلى جودة . 🔹قاعدة الحلة الخارجية تكون سمكها عالى ودي المسؤولة عن توزيع الحرارة بشكل ممتاز . 🔹هنجيب مغناطيس نحطه ع الحله لو مش مسك فيه يبقى إستانلس اصلى. ✅ نشتري أنهي نوع؟ 🌸فى (كوركوماز و زهران و زينوكس وعبود وطيبه و بونيرا ) ف هاتوا اللي يناسب الميزانية . 🧡 النوع الثاني طقم حلل غير قابل للالتصاق زي 🔸جرانيت 🔸تيفال 🔸سيراميك 🔸 تيتانيوم هتختارى منهم حاجه واحده واللى يناسب معاكى وهنا هشرحلك الأنواع : 🔸الجرانيت : يعتبر تانى افضل نوع بعد الاستانلس وألوانه مودرن و توزيع الحراره فيه حلو جدا والنوع ده من الحلل عموما محتاجة معاملة حنينة 🤗 عشان نحافظ ع طبقه الجرانيت دى بمعنى ؟! ❎ ممنوع ف غسيلها تستخدمى سلك فيها نهائى❎ ✅ تتغسل ب سفنجه فقط . ❎ ممنوع استخدام اى نوع معالق إستانلس أو خشب❎ ✅ يفضل تستخدمى جواها معالق سيليكون فقط . ❎ ممنوع تحطى الحله فاضية ع النار ولا تصدميها من سخن لبارد فجأة عشان ميأثرش على جوده الطبقه الغير قابله الالتصاق ❎ ✅ نشتري أنهي نوع؟ 🌼فى ( سافلون و طيبه و اكدينيز ومارتيف تركى و كوكين عبود سوليتر ) دول كويسين جدا . 🌼فى صناعه كورى زى ( نيوفلام ) ودى من احسن الصناعات بس اسعارها عاليه جدا بس تستاهل لانها انجح الحلل ليه بقا ⁉️ 🌸تخانه الحله بتكون من 6 مللى ل 7 مللى . 🌸 اشكالها كلها واحده لها يد منها فيها ودى حلوه ف الاستخدام لانك ممكن تدخل الحله كلها الفرن . 🚫من عيوبه أسعاره غاليه بتبدأ من 5 ل 15 الف جنيه. ❌فى نوع بقا مش برشحه وهو ( ماستر ) مش كويس بيقشر مع الوقت والاستخدام بسرعه جدا يعنى مش هعيش معاكى الا كام شهر كده وهتبقى عاوزه تغيريه . ✅وانتى بتشترى طقم الجرانيت هتاخدى بالك من ايه ؟ 🔹يفضل الحله تكون يدها منها فيها أو يد بكاليت مش إستانلس ويكون نوع كويس وبضمان . 🔹تخانه الحله نفسها لا تقل عن 4 مللى لان أقل من كده هيبقى وحش حتى لو نوع كويس ليه 🤷🏻‍♀️ لأن جوده الجرانيت مع الوقت والحراره والسخونيه هتتأثر مش هعيش معاكى سنتين تلاته . ( يعنى كل ما بزود ف التخانه كل ما بحافظ ع طبقه الجرانيت ) 🔸التيفال : عملى جداً ومن احسن الصناعات هى الصناعه الفرنساوى وأشهر الماركات ف الصناعه دى هى( تيفال زهران ) بس العيب الوحيد اللى في النوع ده هو سمك وتخانه الحله بتكون أقل 2.5 مللى يعنى أقل تخانه ❌ بس مع ذلك فيه ناس مع الاستخدام حبته 🫶 ولو معاكم تجيبوا مستورد أو موجود في السوق أصلا دلوقتي طبعا هاتوا زي سافلون وكوركماز وغيرهم ✅زهران عنده نوعين تيفال.. ♦️نوع طبقة الدهان بس في فرنسا (الأرميتال فما فوق ممتاز أقل من كدا مش أحسن حاجة) ♦️النوع التاني مصنوع بالكامل في فرنسا وطبعا أغلى وأحسن . ♦️وطبعا سمعتوا عن نوع اسمه تيفلون ده من عائله التيفال برضو وهو كويس جداً . 🔸السيراميك: مجربتش السيراميك بس من الريفيوهات اللى اتقالت عنه 🚫 بيتجرح بسهوله وبيقشر بسرعه . 🚫 بيبقى دايما فاتح 🚫 بيلقط لون من الاكل لو حطه شويه كركم ع الازر هتلاقى لون طبع ف الحله . 🚫 بيوزع الحراره بشكل اسوأ بكتير جداً من الجرانيت او اى انواع تانيه ف مش هنرشحه❎ بالذات أنه مش رخيص لا هو غالى. 🔸 التيتانيوم: 🔹لا يتفاعل مع الاكل نهائى . 🔹ماده التيتانيوم ماده صلبه جدا لها لامعه من الداخل . 🔹 نعومه الحله ف هى انعم من التيفال . 🔹تخانه الحله كويسه تقريبا بتبقى 3 مللى . 🚫عيوبه ايه بقا 🤔 ❌ أسعاره غالى جداً ❌ ألوانه محدوده من الخارج و كلها اسود من الداخل . بس مع ذلك هرشحه ✅ مكان التيفال . ⚠️حله الضغط و حله البخار (اختيارى ممكن نستغنى عنهم) ⚠️الالومنيوم : ❎مبدئيا الالومنيوم مش برشحه نهائي لأنه مش صحي أبدا يا بنات وبيتفاعل مع الأحماض والأكل ودي حاجة هنستخدمها يوميا لمدة سنين وبعد الشر ممكن تأثر على صحتنا ❎ (هرشح الالومنيوم في حاجة تانية وهقول عليه وقتها) هنزلكم بوست تانى للصوانى عشان البوست ده بقا طويل جدا بس حبيت اشرح فيه كل المعلومات اللى جمعتها 💗 💗 دمتم بخير 💗 #جهزى_صح ✅ صاحبه البوست/ مروه منصور ❤️