قبل 3 سنوات
تكمله لسلسله بوستات #جهزي_صح 📌خامساً :(زجاج المطبخ ) و ( النيش ) ↪️ 🌻١_ هنتكلم عن ( النيش ) بالتفصيل : 🔸انا برشح لو العروسه هتعمل نيش يبقى ( ٢ درفه ) فقط هنحط فيه الاتى : 🔹نص طقم صينى بيبقى من ٦٠ : ٧٠ قطعه تقريبا و ( البديل طقم عشا بورسلين ماركه بروسر أو لوتس ). 🔹طقم اركوبيركس ماركه لومينارك ٤٦ قطعه :- 🌼( الاركوبيركس ي بنات مش عملى عشان كده بنحطه ف النيش وبيبقى استخدام للضيوف فقط ليه بقا لانه عباره عن زجاج مطبوع عليه رسومات بأشكال مختلفه مع كتر الاستخدام ممكن تبهت و دا غير أنه مش بيدخل الميكروويف و لا بيدخل غساله الاطباق و سهل الكسر عكس الاركوبال تماماً وهتعرفى الفرق بينهم لما تكملى البوست 😘) 🔹طقم شاى و جاتوه ٢٤ قطعه ( ممكن نستغنى عنه ). 🔹عدد ( ١ : ٢ ) طقم كاسات كريستال بوهيمى . 🔹عدد ( ١ : ٢ ) طقم كاسات كريستال RCR. 🔹عدد ( ٢ ) طقم شربات ب قاروره أو من غير زى ما تحبى . 🔹طقم خشاف زجاج ٧ قطع . 🔹شنطه المعالق ( ممكن نستغنى عنها لا دى بالذات لازم نستغنى عنها 😂😂😂). 🔹طقم صوانى التقديم استالس جولد أو فضى زى ما تحبى . + ( انا برشح أنها تتحط ف البوفيه أو المطبخ ) 🔹طقم مفارش للنيش ١٢ قطعه . 🔹 عدد من ( ٤ : ٥ ) باكت حوامل اطباق النيش والباكت تقريبا فيه من ١٠ ل ١٢ قطعه . __________________________________________________________________________ 🌻٢_ هنتكلم عن باقى مستلزمات المطبخ ( الزجاج ) : 🔹 طقم توابل زجاج بغطاء وقاعده خشب ٣ قطع . 🔹طقم بايركس زجاج حرارى فرنساوى أو تركى فيه من ٣ ل ٥ قطع و فيه منه بيتباع فردانى هاتى حسب احتياجك و هقولك ف الكومنتات نصايح هااامه وانتى بتستخدميه 😉 و( البديل طقم صوانى بورسلين ٢ أو ٣ قطع ) . 🔹 طقم اركوبال أو ميلامين :- 🌼( لو هتجيبى اركوبال متجيبش ميلامين لأنهم استخدام واحد بمعنى الاركوبال للمطبخ عملى اكتر و صحى اكتر وبيدخل الميكروويف وبيتحط ع البوتجاز وغساله الاطباق و افضل ماركه للاركوبال هى تايلاندى أو لومينارك فرنساوى . وافضل ماركه للميلامين هى ماليزى أو ميلامين الشريف والميلامين فيه صفه زياده أنه ضد الكسر عن الاركوبال تمام كده عرفتى الفرق وليه الاركوبال عملى عن الاركوبيركس 😘 ) 🔹 عدد ( ٢ ) طقم مج شاي. 🔹 عدد ( ٢ ) طقم كوب شاى . 🔹 عدد ( ١ ) طقم فنجان شاى تركى باشابتشي بيد . 🔹عدد ( ١ ) طقم إستكانه تركى . 🔹 عدد ( ٢ ) طقم كوب عصير . 🔹 عدد ( ٢ ) طقم كاسات عصير ساده . 🔹 عدد ( ٢ ) طقم شوب مياه تركى باشابتشي 🔹 عدد ( ١ ) طقم فنجان قهوه بورسلين ع استاند. 🔹 عدد ( ١ ) طقم مج قهوه . 🔹 عدد ( ٢ ) طقم مج بورسلين الطقم الواحد بيبقى ٣ قطع أو ٦ فردانى أو هاتى طقم مج بورسلين ع استاند. 🔹 عدد ( ١ ) طقم كاسات أيس كريم . 🔹 عدد ( ١ ) طقم چيلى أو فروت سلط باشابتشى. 🔹 عدد ( ١ ) طقم شربات لومينارك ٧ قطع دورق + ٦ شوب . 🔹عدد ( ٢ ) طفايه سجاير . 🔹طقم هديه كريستال ٣ قطع عباره عن :- 🌼 بونبونيره للشوكولاتات . 🌼 فازه للورد . 🌼 طبق فاكهه زجاج كريستال للتقديم . وممكن تجيبى كل حاجه لوحدها زى ما تحبى 💗 🔹 عدد ( ١ ) شياله كحك وبيتفور بورسلين مدهب ٣ دور. 🔹 عدد ( ٢ ) طقم بولات فرن زجاج حرارى كاندى مربع او مدور أو مستطيل الطقم الواحد ٦ قطع . 💟الطقمين اللى جايين دول مش شرط خااااااالص تجيبهم أنا كاتباهم من عندى وممكن نستغنى عنهم. 🛑طقم كاسات باشابتشي ١٨ قطعه لو هتجيبى الطقم ده وهنستغنى عن الطقمين الكاسات الساده اللى فوق. 🛑 طقم ٤٨ قطعه تركي للتقديم عباره عن : 🌼٣ مقاسات كاسات مختلفه كل مقاس ٦ قطع . 🌼طقم شوب مياه ٦ قطع. 🌼طقم مج شاي بالطبق ١٢ قطعه. 🌼طقم استكانه بالطبق ١٢ قطعه. ولو هتجيبى ده هنستغنى عن اللى فيهم فوق . 💗البوست ده طويل شويتين بس جمعت فيه كل حاجه زجاج اللى هنحتاجها وطبعا فى حاجات ( ممكن نستغنى عنها ) مش ملزمه بنفس اللى مكتوب حاولى تجيبى اللى هتستخدميه فعلا 💗لو عاوزه تشوفى باقى الأجزاء دوسي هاشتاج #جهزي_صح 🌸 💗 💗 دمتم بخير 💗 صاحبه البوست / مروه منصور #جهزى_صح ✅
عايزة تعلّقي؟ سجّلي الدخول وشاركي رأيك.
التعليقات
٢٥ تعليققبل 10 أشهر
انا مش عامله نيش ولا عمودين بس ممكن اعمل عمود شفاف ف المطلخ مع المطبخ الالمونتال فاحط ايه من دا يكون بس علي قده
قبل 10 أشهر
انا مش عامله نسيش ولا عمودين بس ممكن اعمل عمود شفاف ف المطلخ مع المطبخ الالمونتال فاحط ايه من دا يكون بس علي قده
السنة الماضية
انا سالت على طقم سكاكين ومعالق ارشبا لقيتهم غالين جدا اية البديل لو سمحتوا
السنة الماضية
امال طقم العشاء والفطار مش بيطحته في النيش
قبل سنتين
جايبه اركوبال ٥٨ قطعه ف ده هيبقي للمطبخ ولا للنيش +انا جبت صيني ٦٥ ق و اركوبال ٥٨ و ملامين ٣٢ كدا فاضل او اجيب اي تاني من الاطقم المطبخ او النيش خلاف الكاسات طبعا
قبل سنتين
وجبت شنطة معالق ارشيا 86 قطعه شكلها شيك اوي
قبل سنتين
انا مش هعمل نيش بس هعمل ضلفه كدا ازاز ف المطبخ احط فيها كام طقم صغنن كدا وخلاص تقترحي عليا اجيب اي.؟ انا جبت طقم ميلامين. gd حراري تحفه بجد اللهم بارك اعمل اي بقا
قبل سنتين
انا جبت عشا بورسلين وميلانين الشريف ونص صيني اجيب اي تاني
قبل سنتين
ايه رأيكم في الاركوبال الهندي
قبل سنتين
لو مش هجيب الصينى اجيب اى بديل لو سمحت
قبل سنتين
الاركوبال احسن ولا البورسلين واي النوع الكويس ف كل حاجه منهم ؟؟
قبل 3 سنوات
انا جايبه صيني واركوبال للنيش اجيب اي للمطبخ
قبل 3 سنوات
انا جيبت طقم ميلامين الشريف، وطقم اركوبال تايلاندي ومحتارة اجيب طقم عشا ولا اجيب نص طقم صينى
قبل 3 سنوات
انا مش مخطوبة لسه الحاجات الزجاج زي الكوبايات اجيبها دلوقت عادي ولا بلاش ماما بتقول بلاش وانا بقولها عادي
قبل 3 سنوات
انا جايبة نص صيني والاركوبيريكس والميلامين ضروري اجيب الاركوبال والعشاء ولا لا؟!
قبل 3 سنوات
عايزين بوست عن الرفايع
قبل 3 سنوات
لو جبت اركوبال للمطبخ اجيب اي النيش صيني ولا اركوبال بردوا