Mona Lisa
قبل 3 سنوات
بنات انا مخطوبة من 4 شهور وهو قريبي كمان هو كويس وكل حاجة بس مش بنتكلم كتير والتواصل قليل اوي ما بينا وبيزورني ف البيت كل شهر مرة او مرتين بالعافية ولما يجي مش بنتكلم كتير او مش لاقين حاجة نقولها وممكن نفضل بالايام مش بنتكلم وانا دماغي بتودي وتجيب بافكار غريبة ومش عارفة اعمل اي ومحتاجة حد يساعدني اي اللي المفروض اعمله ف الحالة دي عشان اقدر افهمه والتعامل معاه بدل ما كل مرة اكون متوترة وخائفة
عايزة تعلّقي؟ سجّلي الدخول وشاركي رأيك.
التعليقات
١٤ تعليققبل 3 سنوات
هي دي الالعاب
قبل 3 سنوات
اساليه انت خطبتي لي مثلا ايه اللي شدك ليا
قبل 3 سنوات
حاولي تفتحي معاه مواضيع زي عملت ايه انهارده وهتلاقي اكيد بيقولوا حاجه اتناقش فيها وكده وفي الالعاب حلوة اوي المخطوبين بيكون فيها مواضيع بتتناقشوا فيها
قبل 3 سنوات
بصي يا حبيبتي اول حاجة كده استعيني بالله وتأكدي أن اختيار الزوج الصالح اللي يراعي ربنا فيكي مش بشطارتك ولا بتفكيرك أبدًا الموضوع تماما استعانة بالله واستخارة وتوكل عليه أحنا بس بناخد بالأسباب فتأكدي من ده وأحنا في ايام مفترجة فكثفي الدعاء ربنا يرزقك زوج صالح واوعي تسيبي الاستخارة لحد يوم العقد تاني حاجة بقى النقطة دي انتي اللي تقدري توزني الأمور فيها هو مش بيتكلم كتير ليه ممكن يكون خجول ونفسه يكلمك بس اول تجربة ليه ومحرج ممكن يكون مشغول ومعندوش وقت طب لما بتتكلموا بياخد ويدي ويبقى حابب الحوار وحابب يفتح مواضيع وكده بس خجله واحترامه اللي ماتعنيه شوية عشان في ناس كده مش بتعرف تفتح مواضيع انتي شوفي ايه الحاجات المشتركة بينكم وابتدي اتكلمي فيها ابتدي شوفي ايه المواضيع اللي محتاجة تناقشيها عشان حياتكم بعد الجواز ودي اهم حاجه محتاجين تتكلموا فيها زي مثلا شغلك طب لو هتشتغلي مصاريف البيت هتشاركي فيها ولا لأ الخروج هيكون معدله عامل ازاي وهكذا دي كلها حاجات مهمة الناس بتغفل عنها في الخطوبة بس للأسف بتعمل مشاكل بعد الجواز
قبل 3 سنوات
حاولى ترتيب مواضيع قبل ما ياجى ولو مش عارفة افتحى مواضيع خلى اخواتك او مامتك او اى حد يفتح الموضوع واتناقشوا فيه