shosho
قبل سنتين
ازاى اعرف الراجل البخيل انا خطيبي لما بنخرج بيحاسب على المشاريب أو الأكل اللى طلبناه ف الكافيه لو اشتريت حاجه زى سودانى أو شيكولاته مش بيحاسب عليها و فى العيد مافيش طقم عيد و كمان العيديه كانت ٣٠٠ جنيه و مش بيدخل بفاكهه ولا غيره أول زياره للتعارف مافيش جاتوه معاه ..تانى زياره كان جايب تورته صغير ه خالص و كانت للاتفاق ده لان بابا كان مسافر فاستعجلنا دلوقتى هو ده من ايه... بخيل؟مع العلم هو بيشتغل و مخطوبين من 7 شهور معلمش حاجه في الشقه بابا اتصل بيه بيعاتبه .. قال لوالدي نحدد ميعاد الدخله قبلها بشهرين هكون مخلص كل حاجه انا بستشيركم لان مش بنختلط بحد
عايزة تعلّقي؟ سجّلي الدخول وشاركي رأيك.
التعليقات
٤ تعليققبل سنتين
هو غلطه الوحيد فكرت انك تجيبي اي حاجه مهما كانت وانتى بره وتحاسبي عليها وانتى ممكن مثلا تبطلى تعملى كده طالما بيزعلك يعنى اكلتوا سوا وحاسب هو يبقا خلاص.. جاب حاجه من نفسه تانى ماشي مجبش بلاش تروحى انت وتجيبي.... اما فكرة طقم عيد او عيديه شوية وكده ده كله ميدلش ع بخل ابدا وعلفكرة انا باخد عيديه اقل من كده عادي لانه بجد عليهم ضروريات كتيرة اووى غيرنا
قبل سنتين
نصيحة لا تخرجي مع خطيبك لوحدك لا يجوز لإن دي مش من ضوابط الخطوبة +متبصيش لغيرك ان فلانة خطيبها بيجبلها هدايا وانا خطيبي لا ،كدا هتدمري بيتك من قبل ميتبني ،في حتة انك انتي اللي بتحاسبي قدامه عالحجات اللي بتشتريها فدا اكيد غلط يعني من نخوته ورجولته وقوامته اللي افتقدناها في شباب المسلمين انه هو اللي يجيلك ويحاسب هو ،وفلوسك تظل فلوسك سواء كان موجود او غير موجود شوفي الشقة ناقصها ايه من طرفه ولو فعلا الشقة مش هتخلص في شهرين او اقل وهتحتاج وقت اكتر وهو فاضي مش مضغوط ...يبقى عنده طولة بال ودا طبع كش حويس خالص وهيتعبك في الجواز وفي مصالح البيت بعد كدا هيجبرك انك انتي اللي تقومي بالاحتياجات دي عشان جوزك عنده طولة بال ومفيش وقت نستناه يفكر يعملها ولا لا ،او كسول استخيري ربنا ،وشوفي مميزاته وعيوبه وقارنيها واديه فرصة تاني عشان متظلمهوش في كم موقف معرفتيش دا صح او غلط
قبل سنتين
وخليكي عارفه برضو ان هو خطيبك مش جوزك عشان يكون ملزوم بيكي ويجبلك ملابس عيد او فون او الحاجات دي انتي لسه ملزومه من ابوكي لحد متتنقلي لبيت جوزك الاسلام بيفهمنا كده وحاولي تبطلي تطلبي حاجات مش ملزوم بيها عشان ميبقاش شكلك بايخ
قبل سنتين
هو مش بخيل علي فكره بس متحطيش في بالك انك مخطوبه لجمعيه رساله حاولي تعرفي ظروفه الماديه وتبقي متفهمه لو الظروف صعبه عليه من غير ميقولك افهمي من نفسك وحاولي متكلفهوش اكتر من طاقته وسيبك من المظاهر والفشخره خليكي علي قدك واعرفي ظروفه كويس قبل متحكمي عليه علامات البخيل ان هو بيستخصر فيكي وفي نفسو اي حاجه او هيقلك انتي ادفعي مصاريف الاكل والشرب انما خطيبك ماشي علي قد الحال وميقدرش يقلك في وشك ظروفي صعبه انتي افهمي لوحدك عشان متسببيش احراج