لولا .....
قبل 9 أشهر
يا بنات ازاي اتخطي سؤال فسختي خطوبتك الأولي ليه في الرؤية الشرعية خصوصا اني مش حابة ادخل في تفاصيل هو كان عدم توافق وخلاص ولو حصل نصيب تاني احكي كل حاجة ولا لأ وهو ليه حق يعرف اصلا ولا ملوش دعوة
عايزة تعلّقي؟ سجّلي الدخول وشاركي رأيك.
التعليقات
٥ تعليققبل 9 أشهر
شكرا يا بناويت متحرمش منكم كلكم
قبل 9 أشهر
بصى يا قمر هو الموضوع يرجع ليكى انتى وبس يعنى اذا مش حابه تتكلمي تقدرى ببساطة تقولينه انه محصلش نصيب وربنا يوفقه فى مكان تانى وخلاص على كدا لو حابه تتكلمي وتعرفى عن الشخص الى قدامك اكتر او تعرفيه سبب الرفض فهيكون على حسب خطوبتك ظروفها كاانت عامله اى لو كانت خطوبه طويله او لا مش هتفرق بس لو طويله فالبا بييقى مهتم يعرف اجايه السؤال دا فمثلا لو فى سبب معين عايزه تعرفيه انه كان فى خطيبك الاول وان لو الحاجه دى فيك انت كمان مش هكمل قوليله.. يعنى مثلا لو فسختى خطوبتك لانه مثلا مثلا خطيبك الاول كان عايزك تعرفيه كل حاجه عنك وانتو لسا مخطوبين قوليله ان فى صفات معينه كانت فيه مكنتش ينفع تسكتي عليها فطبيعي هيسالك زى اى قوليله السبب وأكدى ان دا ضد مبادئك او لو مثلا عايزه تعرفيه ان عندك صفات محدده فى شريك حياتك ومكانتش موجوده فى خطيبك الاول قوليله ولما يسالك قوليله صفات شريك حياتك الى انتى عايزاها ودا حقك عادى بس برضو متكونيش مبالغه فى الصفات لان كلنا بشر ومفيش فينا حد كامل واحب انبه على نقطه معينه يا جميله الجميلات الا وهى ان الشخص الى متقدملك عادى جدا جدا يسال السؤال دا وان مفيهاش اى احراج او اى حاجه نهاااائى وغرضهم من السؤال دا بيكون اما انه يعرف اذا لسا متخطيتيش خطوبتك الاولى ووقتها هو بهدوء ينسحب واما يكون سبب السؤال انه يعرف اى الحاجات الى تخليكم متكملوش مع بعض او انه يشوف اذا هتعيبى فى خطيبك الاول ولا لا لأن فى ناس للاسف الشديد بعد فسخ الخطوبه بتظهر قدام الكل ان خطيبها الاول دا كان شيطان وكانت مخدوعه فيه ونصيحه بجد لو فعلا كان كدا متقوليش ابدا ولا تعيبى فيه اولا لانها غيبه ونميمه ثانيا لانه اول حاجه ممكن يفكر فيها انه اذا اتخطبتو ومحصلش نصيب لاقدر الله هتعيبى فيه هو كمان وتقولى عنه كلام مش حلو وحابه افكرك ان السؤال دا عادى جدا جدا جدا واذا مش حابه تجاوبي عليه قوليله انه كان شخص دخل حياتك ومتوفقتوش ومكنش نصيبك ومينفعش تذكريه باى سوء وانه خلاص خرج من حياتك ومينفعش تفتكري الايام دى خلاص
قبل 9 أشهر
مكانش في توافق ولو حاول يدخل ف تفاصيل قولي دي حاجة قديمة مش حابة اتكلم فيها
قبل 9 أشهر
بصراحة مش ليه الحق أنه يعرف وممكن تكتفي ب محصلش نصيب وتوافق وهوا مش ليه دعوة ب اي حاجة حصلت قبل ما يكون موجود ومش لازم يعرف