بمإ إني ليا فترة الحمد لله شغالة في shein وجبت طلبيات فيها منتجات مختلفة دلوقتي اقدر اعمل…

بمإ إني ليا فترة الحمد لله شغالة في shein وجبت طلبيات فيها منتجات مختلفة دلوقتي اقدر اعمل بوست اقولكم فيه ازاي تنقوا حاجتكم صح وتظبطوا مقاساتها أولا اعتمادنا مش هيكون بس على الصورة بتاعة المنتج لا احنا هننزل تحت ونضغط على كلمة comments ونشوف ريڤيوهات الناس والأهم كمان الصور اللي بينزلوها دي اهم حاجة تورينا المنتج على الطبيعة الكواليتي بتاعته عاملة ازاي وكمان تقدري تشوفي كذا حد لابسه وتشوفي هو جايب مقاس كام فتعرفي انت لو هتطلبي المنتج ده هتجيبيه مقاس كام ، فكك بقى من المقاسات اللي شي إن بيكون حاططلها ارقام وكده الناس والريڤيوهات يبقوا هما مرجعك الأساسي ، قلبي في كل الصور متزهقيش انت اصلا لما تدخلي على التعليقات هتلاقي خانة فوق اسمها الصور اضغطي عليها وريحي دماغك هتعرضلك التعليقات اللي فيها صور للمنتج وبس ، ثانيا متقلقيش مش شرط مقاسك يطلع واحد في كل المنتجات يعني أنا ساعات بلبس لارچ وساعات اكس لارچ عادي يعني مش كل حاجة جبتها نفس المقاس وكلهم مقاسي عادي الحمد لله اللي حابة تستفسر عن اي حاجة اكتر تسيب كومنت وبإذن الله اقدر ارد عليها ونساعد بعض ربنا يكمل لينا على خير اللهم امين يا رب ♥️