أجهزه_كهربائية

Admin Rana

قبل 3 سنوات

بوست الاجهزه ( #الغسالة ) 3-3 تكملة باقي سلسلة #أفضل_أنواع_الأجهزة هنتكلم في البوست ده عن (الغسالات الفوق أوتوماتيك) ☑️ المميزات 1️⃣ تتوفر غسالة فوق اتوماتيك بأحجام وسعات كبيرة عكس فول اتوماتيك اللي أحجامها متوسطة أو صغيرة 2️⃣ تقدري تضيفي أي قطعة ملابس أثناء التشغيل دون حتى إيقاف الغسالة أو خسارة المياة والمسحوق 3️⃣ تقدري تستخدمي المساحيق العادية وليس بالضرورة إستخدام مساحيق الأتوماتيك ، وده فيه توفير كبير 4️⃣ بتوفرلك غسالة فوق أتوماتيك المساحة وده لأن بابها يفتح لأعلي وليس للأمام فمش هتشيلي هم المكان اللي هتحطي فيه الغسالة 5️⃣ تقدري تشغلي الغسالة أكثر من مرتين في اليوم على عكس الغسالات الأتوماتيك التي ينصح بتشغيلها بحد أقصى مرتين فقط باليوم 6️⃣ تقدري تشغلي غسالة فوق اتوماتيك لمدة ١٠ دقائق فقط وربع ساعة على عكس غسالات الأتوماتيك التي برامجها تستمر لمدة طويلة وأقل برنامج فيها يصل إلي نصف ساعة 7️⃣ بالإضافة إلى أن باب غسالة فوق اتوماتيك علوي يوفر المساحة إلا انه ايضا صحي ومريح بحيث انك مش هتنحني أثناء وضع الملابس داخل الغسالة 8️⃣ غسالة فوق اتوماتيك سهلة أكثر في الاستخدام عن الفول اتوماتيك لأن برامجها سهلة ومحدودة عكس غسالة فول اتوماتيك التي تمتلك العديد من البرامج المعقد ❎ العيوب مفيش شك أن كل منتج له عيوب يجب على الجميع معرفتها قبل شرائها وذلك للتأكد ١٠٠٪ أنها تناسب استخدامك بالإضافة إلى الإستفادة من خبرات المستخدمين السابقين حتى تتفادي المشكلات التي واجهتهم واللي هي / 1️⃣ سرعة دوران غسالة فوق اتوماتيك بطيئة بالمقارنة بالقول اوتوماتيك وده بيتسبب في زيادة نسبة رطوبة الملابس بعد غسلها وده يخليكي متقدريش تسيبي الغسيل في الغسالة لمدة طويلة ولازم تنشريه فوراً عشان متتغيرش ريحته 2️⃣صوت غسالة فوق اتوماتيك عالي بعض الشيء ويسبب إزعاج عشان كده حاول أن تخلي مكانها بعيدا عن غرف النوم 3️⃣ليست مناسبة لغسيل الملابس الحساسة هي مثالية لغسيل الملابس العادية فقط 4️⃣على عكس المتعارف عليه إستهلاك غسالة فول اتوماتيك للكهرباء عالي وليس منخفض او موفر كما يقول البائعين او كما يظهر في الإعلانات 5️⃣إستهلاك غسالة فوق اتوماتيك للماء كبير أيضا وعالي حيث إنها تسحب كميات كبيرة من الماء 6️⃣عسرها متوسط مقارنة بالفول اتوماتيك ✴️ أفضل ماركت الغسالات الفوق أوتوماتيك 1️⃣ غسالات LG 2️⃣ غسالات سامسونج 3️⃣ غسالات زانوسي 4️⃣ غسالات توشيبا 5️⃣ غسالات تورنيدو 🔴 بكده نكون خلصنا المقارنه ، نيجي للسؤال بقي اللي برضو لسه هيحيركم ، نشتري برضو ايه الاوتوماتيك ولا الفوق اوتوماتيك ؟!! 😅😅 هقولكم الملخص بقي / ✴️ الاستخدام .. غسالة فوق اتوماتيك اسهل بكثير في الإستخدام من فول اتوماتيك وذلك لعدم احتوائها على الكثير من البرامج المعقدة ✴️ خاصية إضافة الملابس .. تقدري تضيفي الملابس بسهولة أثناء التشغيل بالنسبة غسالة فوق اتوماتيك لكن متقدريش تعملي كده مع غسالة فول اتوماتيك ✴️ المسحوق .. مساحيق غسالة فوق اتوماتيك ارخص بكثير من غسالة فول اتوماتيك وده هيساعدك في توفير الكثير من الأموال ✴️ دوران الغسالة .. تدور غسالة فول اتوماتيك بشكل أسرع بكثير من غسالة فوق اتوماتيك مما يعني رطوبة أقل بكثير في الملابس ✴️ السعة .. تمتلك غسالة فوق اتوماتيك سعات كبيرة وتقدري تغسلي فيها البطاطين والاشياء الكبيرة بسهولة ويسر عكس فول اتوماتيك ✴️ المساحة .. لا تستهلك غسالة فوق اتوماتيك مساحة كبيرة وذلك لا بابها علوى على عكس غسالة فول اتوماتيك وذلك لان بابها امامي ✴️ الصوت .. غسالة فوق اتوماتيك تصدر صوتا أعلى من غسالة فول اتوماتيك ✴️ الملابس .. غسالة فوق اتوماتيك مناسبة للملابس العادية فقط حيث غسالة فول اتوماتيك وهي المناسبة لجميع أنواع الملابس حتى الخاصة منها مثل الحرير والصوف ✴️ استهلاك الكهرباء والمياه .. تستهلك غسالة فوق اتوماتيك المياه والكهرباء أكثر بمراحل من غسالة فول اتوماتيك ✴️العصر و التجفيف .. غسالة فول اتوماتيك عسرها وتجفيفها للملابس أفضل من فوق اتوماتيك بكده نكون خلصنا كل حاجه عن الغسالات ، اكيد فيه انواع احنا غفلنا عنها فطبعا الي حابه تسال أي غساله غير الانواع اللي قولنا عليها في البوست تقدر نسيب كومنت واحنا هنقولها عليها 😍 انتظروا باقي السلسلة #أفضل_أنواع_الأجهزة #الغسالة #أجهزه_كهربائية

Admin Rana

قبل 3 سنوات

بوست الاجهزه ( #الغسالة ) 2-3 تكملة باقي سلسلة #أفضل_أنواع_الأجهزة اتكلمنا في البوست اللي فات عن معايير اختيار الغسالات وفي البوست ده انواعها ومميزاتها وعيوبها وافضل الماركات ✴️ أولاً / انواع الغسالات 1 / غسالة فول اوتوماتيك أو (اوتوماتيك كامله ) 2 / غسالة فوق أوتوماتيك 3 / غسالة نص اوتوماتيك 🔴 هنبدأ (بالغسالة فول الاوتوماتيك) ☑️ مميزاتها / 1️⃣ / غسالات فول اتوماتيك أذكي من غسالات فوق اتوماتيك وذلك لأنها تحتوى على شاشات ال سي دي يظهر فيها اعطال الغسالة أو في حالة حاولتي تشغيل برنامج بشكل خاطيء 2️⃣ / تستطيعي تأجيل الغسيل في غسالات فول اتوماتيك بمعنى إنك تستطيعي أن تضعي الملابس داخل الغسالة والمسحوق وتأجل تشغيل الغسالة بعد ساعة أو ساعتين وتستطيع فعل ذلك لمدة أقصاها ٢٣ ساعة 3️⃣ / متعددة البرامج وقد تصل برامجها إلي ٢٠ مما يمكنك من غسيل مثالي للأقمشة ذات الطبيعة الخاصة مثل الصوف أو الحرير أو الملابس الرياضية 4️⃣ / تعقيم الملابس في الغسالة فول اتوماتيك اعلى بمراحل من غسالة فوق اتوماتيك حيث إنها تمتلك برنامج خاص لتعقيم الملابس 5️⃣ / عدد لفات غسالة كبيرة للغاية وقد تصل إلي ١٢٠٠ لفة و١٥٠٠ لفة وهو شيء غير متوافر في غسالة فوق اتوماتيك تحتوى غسالات فول اتوماتيك في برامجها على خاصية مانع الكرمشة والتي تجعل الكي عقب الغسيل أسهل كثير ❎ عيوبها / 1️⃣ / البرامة المتنوعة قد تكون نعمة ونقمة لأنها معقدة بعض الشيء وتستغرق وقتا لفهمها واستخدامها في محلها 2️⃣ / لا تستطيع تشغيلها إلا مرتين فقط في اليوم كحد أقصى حتى تحافظ على عمر الموتور 3️⃣ / لا تمتلك برامج قصيرة في الوقت فمعظما يستغرق الكثير من الوقت وقد يصل إلي ساعتين او ثلاثة وبحد أدنى نصف ساعة 4️⃣ / معظمها لا توفر الأموال في الغسيل وذلك لأن معظمها لا يعمل إلا المسحوق الاتوماتيك وهو غالي الثمن مقارنة بالمسحوق العادي 5️⃣ / تتوافر غسالات فول اتوماتيك بسعات صغيرة أو متوسطة وقليلا منها الذي تستطيع استخدامه من اجل غسل بطاطين على سبيل المثال 6️⃣ / معظم غسالتها عرض فتحه بابها ليس بالكبير مما يتسبب في صعوبة أثناء وضع الغسيل في الغسالة كما أنه غير صحي أيضا لأنك عليك الإنحناء من أجل وضع الغسيل في الغسالة وأيضا تستهلك مساحة واسعه وذلك لأن الباب بفتح بشكل أمامي وليس علوي ✴️أفضل ماركت الغسالات الفول اوتوماتيك 1️⃣ غسالات LG 2️⃣ غسالات سامسونج 3️⃣ غسالات بوش 4️⃣ غسالات زانوسي 5️⃣ غسالات ميلا 6️⃣ غسالات توشيبا 7️⃣غسالات اريستون 8️⃣ غسالات هوفر انتظروا الجزء التالت من البوست 😍 #الغسالة #أجهزه_كهربائية لينك الجزء الاول للي مشافوش يابنات LinkTo/post/65efaecc9e9bb5470c4d2b1e

Admin Rana

قبل 3 سنوات

ازيكم ياعرايس ياقمرات😍 تكملة سلسلة #أفضل_أنواع_الأجهزة ✴️ #الغسالات / أولاً / هنتكلم عن كيفية اختيار الغسالة من البدايه :- هناك معايير معينة يجب أن تضعيها في الإعتبار عند قراءة مميزات وعيوب كل منتج حتى تستطيعي ان تختاري افضل غسالة ملابس بناء على استخدامك / 1️⃣ / لابد إختيار حجم الغسالة بحذر بالشكل الصحيح والمناسب لإستخدامك لأنك إذا إختارتها اصغر هتندمي كثيرا وهتهدري كثير من الوقت واذا كانت أكبر سوف تهدر مساحة من المكان و ايضا الكثير من الكهرباء 2️⃣ / عليكي النظر إلى أقل مدة يمكن للغسالة ان تعمل بها فيجب ان تكون الغسالة تحتوى على برامج تعمل لمدة نصف ساعة او اقل لانكِ ستحتاجينها في كثير من الظروف فليس عليك من اجل ان تغسل القليل من الملابس ان تنتظر ساعتين واو ثلاثة 3️⃣ / لا تجعلي كثرة البرامج التي في الغسالة تشوش تفكيرك فقط اختيار الغسالة ذات البرامج التي تحتاجها وسوف تستخدمها حتى لو كانوا ٣ برامج فقط 4️⃣ / عليكي معرفة عدد لفات حلة الغسالة قبل شرائها فكلما كانت عدد لفاتها اكثر كلما زادت كفاءتها وجودة تنظيفها 5️⃣ / عليكي اختيار الغسالة ذات الخامات عالية الجودة التي تحتوى موتور قوى وحلة ذات خامة جيدة حتى لا تندم فيما بعض 6️⃣ / هناك بعض الرفاهيات التي قد تكون اساسية لدى البعض مثل ايقاف الغسالة أثناء عملها واضافة ملابس اخرى قد تكون نسيتها دون إعادة دورة الغسيل 7️⃣ / عليك النظر جيدا إلى خدمة ما بعد البيع والضمان الخاص بالغسالة لانك اجلا او عاجلا ستحتاجها لذا يجب ان تختار غسالة ذات خدمة ما بعد بيع جيدة للغاية حتى لا تندم عند حدوث أي خلل بالغسالة . ده كان أول جزء من سلسله #الغسالات ، إن شاء الله هنكملكم باقي الانواع بالتفاصيل والمميزات والعيوب تابعوا البوست ، وياريت اللي يعجبه البوست يعمل لايك او كومنت عشان نعرف أنه عجبكم ونستمر في السلسلة 😍😍 #الغسالة #أجهزه_كهربائية الجزء الثاني من السلسلة LinkTo/post/65f47b549e9bb5470c6d4e04 الجزء الثالث LinkTo/post/6601301e939bc6a8c37e4c0b

Admin Rana

قبل 3 سنوات

ازيكم يا عرايس ياحلوين😍 إن شاء الله هنبدأ سلسلة عن #أفضل_أنواع_الأجهزة هنتكلم عن ازاي تختاري الجهاز وايه افضل الانواع الموجوده في حدود معرفتنا وبعد سؤال مستخدمين جربوها وايه ومميزاتها وعيوبها . ✴️ #المكنسة_الكهربائية / ♦️ أنواعها 1️⃣ مكنسة بكيس / التراب كله بيتجمع في الكيس ده وقليل لما بيخرج منها أي غبار ودي مناسبه اكتر للي عندهم حساسية ، بتشتغل مده طويله من غير ما تحتاجي كل شويه تفضي الكيس بتاعها ، فك الكيس وإفراغ محتوياته سهل ، لكنمحتاجه تشتري لها اكياس ديماً ودي تكلفه زياده 2️⃣ مكنسة بدون كيس / دي جواها مكان بيتجمع فيه الغبار وبيتفك كل شويه وتفضيه عادي بسهوله ، بتوفر عليكي الفلوس طبعا لانك مش بتحتاجي تشتري لها اكياس ، لكن بتحتاجي لتنضيف الفلاتر بصفه دوريه وكمان يدويه كل اسبوعين تلاتة ♦️معايير اختيار المكنسة / بناءا علي ايه نختار المكنسه ؟ فيه حاجات هنعرف نختارها وحاجات مش هنعرفها الا لما نجربها أو من حد جربها بالفعل طيب ايه المعايير دي ؟ هقولك ... أولاً / أداء المكنسة وده بيعت علي الوات بتاعها كل ما كان الوات بتاعها عالي كل ما كانت أقوي ويفضل تشتري المكنسه من 1600 وات وطالع ثانياً / الضوضاء ، ديما اختاري المكانس اللي في مواصفاتها إن صوتها واطي مش عالي لان فيه انواع الصوت فيها متعب للأعصاب وممكن مش تستحمليه لا انتي ولا اللي حواليكي وده بيعتمد علي ريفيوهات الناس اللي جربت قبلك فاسألي كويس ودوري علي مواصفاتها علي النت ثالثاً / قوه الشفط كل مكان الوات عالي كل ما كانت قويه وياريت بلاش الماركات المجهوله يابنات خليكي في المعروف واللي الناس كلها جربته رابعاً / معظم المكانس الكهربائية تحتوي على فلاتر ترشيح لمنع الغبار من إعادة الدوران في الهواء مرة ثانية فاختاري اللي فيها الفلاتر دي وأحسن نوع الي فيها فلتر ترشيح هيبا (HEPA)، لإزالة البكتيريا والغبار والأتربة الموجودة وده افضل فلتر خامساً / حوده ومتانه المكنسة وحجمها ، اختاري الي مصنوعه من مواد مقاومه للصدأ وكما وزنها خفيف عشان تتحركي بيها براحتك ،وطبعا اختاري اللي سلكها طويل سادساً / سعة التخزين ، فيه الصغيره و المتوسطه والكبيرة ده حسب مساحه البيت عندك او انتي عايزه ايه ، لكن خليكي في المتوسطه اللي من 22ل 52 لتر ⭐ نيجي بقي للأهم اللي هو الماركات اللي نشتريها ايه ؟ وخلينا عارفين أن احيانا جهاز مش حلو اوي مع حد تلاقيه شغال زي الفل مع غيره هنا هنقولكم احسن الانواع بدون ما نذكر الانواع الوحشة ، يعني كل اللي هنذكره كويس لكن بدرجات طبعاً وحسب الفلوس اللي معاكي ♦️ افضل انواع المكنسة الكهربائية / 1️⃣ بناسونيك برميل 2200 وات 2️⃣ إل جي 2000 وات 3️⃣ سامسونج 2000وات 4️⃣ هوفر / فيها من اول 1600وات ل 2500وات +فلتر هيباد 5️⃣ هيتاشي 15لتر بقوه 1600 وات + خاصيه الطرد (بلاور ) 6️⃣ كينوود 2200وات ✅ الأقل شويه منهم لكن معانا وكويسين 6️⃣ تورنيدو 1800وات + فلتر مضاد للبكتيريا 7️⃣ توشيبا فيها من اول 1600 ل 2500+ فلتر هيبا ✴️ في الاخر عايزه اقولكم إن كل جهاز من دول فيه اكيد عيب طبعا لان مفيش جهاز كامل لكن دول الاجهزه اللي نقدر نستخدمها وتأدي الغرض المطلوب وعيوبها مش مهمه 👌 اتمني اكون أفدتكم وان شاء الله انتظروني في البوستات الجايه عن باقي الاجهزه 😘🥰 #أجهزه_كهربائية #مكنسة