جيرانيت

admin nour

قبل 3 أيام

يابنات ياحلوين 😁😍😍 سريعاً كده هقولكم علي حاجه كويسه جدا في موضوع الحلل عشان توفروا وفي نفس الوقت تجيبوا من كل الأنواع اللي عايزينها وهي انكم :- */ تشتروا حلتين أو تلاته كبار عشان العزومات جيرانيت لانه اكتر نوع عملي في الانواع اللي مش بيلزق فيها الأكل ويفضل تجيبوا طقم الاستانلس (قولتلكم في بوستات قبل كده مش هتقدروا تستغنوا عنه )😉 */ وتجيبي طاستين مقاس مختلف تيفال أو جيرانيت وجريل تيفال أو جيرانيت برضو لأنهم مهم *صينيه تيفال أو جيرانيت */ وطبعا البايركس ولو الطقم القطعتين بس لانه هيفيدك وهيكون برضو عملي */ ومتنسيش طقم صواني علي الأقل ٢ استانلس لزوم صواني البطاطس والبشاميل 😉😋 وبكده يكون عندك معظم الأنواع بتكلفه أقل ، لأن الأسعار دلوقتي بقت صعبه جدا ، ده غير انك مش هتستخدمي اكتر من طقمين ، فحرام نشتري ونخرن تحت السرير ، خليكي ناصحه مين مأيده الفكره ؟😉😍 #أطقم_حلل #حلل #ستانلس #جيرانيت #تيفال

Admin Rana

قبل 4 سنوات

يابنات ياحلوين 😁😍😍 سريعاً كده هقولكم علي حاجه كويسه جدا في موضوع الحلل عشان توفروا وفي نفس الوقت تجيبوا من كل الأنواع اللي عايزينها وهي انكم :- */ تشتروا حلتين أو تلاته كبار عشان العزومات جيرانيت لانه اكتر نوع عملي في الانواع اللي مش بيلزق فيها الأكل ويفضل تجيبوا طقم الاستانلس (قولتلكم في بوستات قبل كده مش هتقدروا تستغنوا عنه )😉 */ وتجيبي طاستين مقاس مختلف تيفال أو جيرانيت وجريل تيفال أو جيرانيت برضو لأنهم مهم *صينيه تيفال أو جيرانيت */ وطبعا البايركس ولو الطقم القطعتين بس لانه هيفيدك وهيكون برضو عملي */ ومتنسيش طقم صواني علي الأقل ٢ استانلس لزوم صواني البطاطس والبشاميل 😉😋 وبكده يكون عندك معظم الأنواع بتكلفه أقل ، لأن الأسعار دلوقتي بقت صعبه جدا ، ده غير انك مش هتستخدمي اكتر من طقمين ، فحرام نشتري ونخرن تحت السرير ، خليكي ناصحه مين مأيده الفكره ؟😉😍 #أطقم_حلل #حلل #ستانلس #جيرانيت #تيفال

Admin Rana

قبل 4 سنوات

نصيحه سريعه يابنات😍 بخصوص طقم الجيرانيت متسترخصوش في الطقم ده بالذات لانه اكتر طقم عملي وشامل حاجات كتير من حلل وطاجن الفرن وطاسات ، لو قدرتوا تشتروا الطقم الكامل ده هيوفر معاكم كتير وطبعا لازم تتأكدوا أنه أصلي 👌👍 #حلل #جيرانيت #مطبخ

Admin Rana

قبل 4 سنوات

الجزء التاني من بوست اهم طقمين حلل للعروسة (الجيرانيت والاستانلس ) اتكلمنا في البوست اللي فات عن افضل انواع الجيرانيت ومميزاته وليه هو افضل اختيار للعروسه و تقدروا ترجعوا ليه لو حابين 🥰 نيجي بقي الاستانلس اللي كلنا بنخاف منه لأننا بنسمع كتير انه بيحرق الأكل ويبوظه ، هنقولك بقي ياست البنات ازاي تختاري النوع الافضل وازاي تعرفي الاصلي 😉 ** تعرفي بقي ازاي أنه أصلي ؟ من خلال الدمغه الموجوده عليه بتكون محفوره كده (18/10) وده النوع هو الأفضل لأنه لا يتغير لونه مع الاستعمال، كما أنه من أجود وأنظف وأنقى الأنواع الموجودة بالأسواق أنواع الاستانلس 1- أفضل نوع الاستانلس المصري (أه والله زي ما بقولكم كده😅 ) علي عكس الاستانلس التركي اللي بيقولوا إنه أفضل فده مش صح ، الاستانلس المصري افضل وأعلي جوده من التركي ، ومن أنواعه :- • (حلل استانلس الزهراء ) / من أشهر الماركات المصريه ، مصنوعه من الفولاذ القوي المقاوم للصدأ ، لا يتغير لونها مع كثره الاستخدام ،قاعده متينه وتوزيع ممتاز للحراره ، فيها تشكيله واسعه منها {قدوره ، بومبيه ، براكتيكو } • (حلل استانلس نوفال ) / خامتها عاليه جدا وسعرها رخيص الي حد ما تتميز لقاعده حراريه عاليه لتوزيع الحراره بشكل مثالي ، منها {البومبيه ، البلاتينيوم ، الهيفي بلس } • (حلل استانلس سولينج ) / مصنوعه من الفولاذ القوي المقاوم للصدأ ، يتميز لقاعده حراريه للتوزيع الجيد للحراره • ( طقم حلل استانلس عبود ) / استانلس أصلي مقاوم للصدأ ، ضمان ٢٥ سنه ، متوفر منه { البومبيه , اوليندا ، والعادي ذات المقبض المربع ،وذات المقبض الدائري } • (طقم حلل أرشيا للألماني ) / يتميز أنه من أفضل الماركات والتمصيمات للحلل الاستانلس لتميز حلله باللون الروز الجولد ، متوفر بغطاء بايركس ، غطاء استانلس ستيل بالكامل ، ضمان ٢٥ سنه ، لامع دائما حتي مع كثره الاستعمال ، يتعبر من أغلي أطقم الاستانلس الموجوده 2- الاستانلس التركي وأشهر أنواعه :- • (طقم حلل بونيرا ) / تتميز بالتصميم البومبيه الواسع من الداخل ، مصنوعه من الفولاذ المقاوم للصدأ ، مقابض مقاومه للحراره ، قاعده متينه لتوزيع درجات الحراره ، عدم التصاق الطعام • (طقم حلل استانلس بريمير ) / اختيار ممتاز لححل تدوم لعمر طويل ، ضمان ٢٥ سنه ، ميزه التبديل والصيانة ، مقابض طويله لسهوله الحمل ، قاعده سميكه ، مقاومه للصدأ والخدش • (طقم حلل استانلس كوركماز) / النوع الشهير الي الحال الاستانلس التركي ، لا تتغير اطلاقا مع كثره الإستعمال سواء لون أو جوده ، مقاومه للصدأ حيث انها مصنوعه من الالمونيوم المغلف بالاستانلس القوي ، أنواعها ومقاساتها كثيره ، يمكن مسك الحله من اليد لأنها مقاومه للحراره ، تتميز بسعرها العالي مقارنه مع باقي الماركات • 3- الاستانلس الأمريكي :- • (طقم حلل استانلس الزنوكي ) / من ضمن أفضل 10 أنواع حيث أنها من الفولاذ المقاوم للصدأ ، وتحتوي الحال من الداخل علي معيار (لتر ) ، تحتوي علي ضمان وصيانه ، وتتميز بالاستانلس الأصلي 18/10 بكده نكون خلصنا الجيرانيت والاستانلس ودول الطقمين اللي المفروض تجيبهم العروسه وانواعها والمقارنة بين انواعهم ، أتمني أكون أفدتكم . انتظروني في بوستات جديده إن شاء الله 😍😍 #أطقم_حلل #ستانلس #جيرانيت #مطبخ_العروسة

Admin Rana

قبل 4 سنوات

سلسله #أطقم_الحلل الجزء الاول محتاره ومش عارفه تجيبي حلل ايه ؟ وايه الافضل الأنواع وايه اللي هتستخدميه فعلا وهينفعك ؟ تابعي معانا البوست 😍 *أولاً :- البوستات دي مساعده للبنات اللي عامله زيي وزي غيري وقت ما كانوا بيجهزوا مش فاهمين لا هي اعلان لماركات ولا أي حاجه هي مجرد مساعده ونقل ارأء بنات جربوا وحبوا ينفعوا غيرهم من البنات ** ثانياً :- ندخل في الموضوع😁 انتي ياست البنات مش محتاجه غير طقمين بس بالكتير ٣ فقط ، لانك مش محتاجه تجيبي حاجات تركنيها تحت السرير خصوصا أن الأسعار دلوقتي صعبه جدا ، فهنرتبلك الأنواع والماركات من حيث الافضل في الاستخدام والصحي اكتر . √ الطقمين اللي هتحتاجيهم هما الجيرانيت والاستانلس وهقولك ليه ياست الكل ، انتي محتاجه طقم مش بيلزق فيه الاكل زي الجيرانيت عشان تعملي الافتكاسات بتاعتنا الجديده اللي بتحتاج اطقم مش بيلزق فيها الأكل ومتكونيش مرعوبه لا يتخدش عشان الحاجات دي بتكون غاليه واحنا مش عايزين يحصلك حاجه لاقدر الله😅 ، ومحتاجه بقي طقم تمرمطيه معاكي ميقولش لأ والاستانلس ده احلي واحد يقوملك بالمهمه دي ومش هيزعلك ابدا😁 أولا : الجيرانيت * يعتبر الافضل لأن الطبقه المستخدمه في تبطين الجيرانيت سميكه تتحمل الخدوش ، ودي ميزه مش موجوده في انواع تانيه ، * بيوزع الحراره كويس جدا فبيسوي الأكل كويس ، والأكل مبيلزقش فيه طبعا * الجرانيت صحي جداا والمواد الموجوده في الحال لا تتفاعل نهائي مع الاكل ودي حاجه مهمه ومتميز بيها . * مش بيتلف ويبوظ منك بسرعه متخافيش عليه من الصدأ أو الكسر . 👍نيجي لأفضل أنواع الجيرانيت :- 1- الجيرانيت الكوري ماركه ( نيوفلام ) وده أفضلهم وأشهر ماركه . 2- الجيرانيت التركي أشهرهم ماركتين ( كوركماز أو سافلون ) 3 - الجيرانيت الألماني وأشهر ماركه فيه هي ( أرشيا) تابعوا معانا البوست الجاي هكلمكم عن الاستانلس وأنواعه ❤️🌹😍 #أطقم_حلل #جيرانيت #استانلس #مطبخ_العروسة