نصيحة

Aml Gad

قبل 3 سنوات

#نصيحة بنات بجد المفارش الخياطة تحفة وشكلها شيك والخامة حلوة اشترى مفارش خياطة سواء من عندى أو من عند أى حد وسيبك من المفارش العلب هيقلولك مش هتجيبى علب ومعرفش أيه😒فكك ايه يخليكى تجيبى علب وانتى مش عارفة الخامة هتكون حلوة ولا لا والشكل كمان بتاع العلب عادى جدا وهنا اقصد على الملايات العادية أنا مش قصدى على المفرش التركى او مفرش العروسة أما الخياطة الشكل حلو وهتختاريه بمزاجك😉والخامة حلوة لو مش عجبتك القماشة إللى عند الخياطة ممكن تختارى قماشات أنتى واشكال تحبيها وتخلى حد يخيطلك والسلام ❤

Admin Rana

قبل 3 سنوات

بنات #نصيحة مهمه بخصوص #الأجهزة_الكهربائية 📺 عشان شايفه كتير بيقع في الغلطه دي وهي شراء أكتر من جهازين تلاته من نفس الماركه من غير ما تكوني متأكده أنهم كويسين . نفرض طلعت الماركه دي (أي كان اسمها ) مش كويسه ؟!! يبقي انتي اتدبستي في كل الاجهزه اللي جبتيها منها 😱 مفيش مانع لو جبتي جهازين تلاته نفس الماركه لأن فيه شركات فعلا فيها اكتر من جهاز مصنعينه كويس لكن بشوف بنات بتروح تشتري مثلا من ماركه LG كل حاجه !! طب انتي إيه عرفك ياست الكل ان كل حاجه من الشركه دي هتطلع كويسه !! 👍 الا لو طبعاً سألتي علي كل جهاز بعينه حد استعمله وقالك عليه تمام . 📌 الله يكرمكم الاجهزه غاليه جدا دلوقتي ، أي غلطه فيها توجعك انتي وانتي اولي بفلوسها ، واللي بييجي قبل الجواز بيكون صعب تعويضه بعده لأن بعدالجواز فيه التزامات تانيه أولي . 🔴 فخدوا بالكم ، البنات واسألوا كويس أوي ، مش تروحوا تشتروا وبعدين تسألوا !