نورا

سلسله بوستات #جهزي_صح 👰🏻‍♀️ 📌 أولا : المفروشات دى كلها بالاعداد ومش ملزمه بالاعداد دى لو حبه تزودى تمام بس ف وسط الغلاء ده انا شايفه كده مناسب 🔸الملايات ◀️ ♦️١٠ طقم سرير كبير (٤ ساده + ٦منقوش ) ♦️٥ طقم سرير اطفال لو ٢ سرير هيبقى ١٠ وكده كفايه 🔸الفوط ◀️ ♦️٣ علب فوط كبيره العلبه ٤ فوط + ١ علبه فيها ٦ فوط كده الاجمالى ١٨ فوطه و طقم البرنص بيبقى جاى معاه ٢ فوطه يبقى كده ٢٠ فوطه كده حلو ومناسب وحاولى تجيبهم خامات كويسه ونوعى فيهم . ♦️ ١ علب فوط اطفال والعلبه فيها ٦ فوط كده مناسب ♦️١ علب فوط تواليت ♦️١ علب فوط مطبخ والعلبه فيها ٦ فوط ♦️البشكير فيه طقم اسمه طقم العروسه عباره ٣ قطع مقاسات مختلفه بيقى تقريبا ٢ فوطه مقاسهم مختلف + ١ نص بشكير ده كويس لو ملقتيش الطقم ده هاتيهم فردانى ( ٢ بشكير ) وخلاص . ♦️طقم البرنص فيه من اول ٤ قطع 🔸الكوفرتات ◀️ ♦️٢ كوفرته سرير كبير : فى اطقم سراير بيبقى معاها كوفرته أو تجيبى الفردانى اسمها كوفرته بيكا أو تجيبى طقم كوفرته فيبر مبطن ( كوفرته كابتونيه ) ده اسمه للسرير الكبير فيه من اول ٣ قطع . ♦️كوفرته اطفال: هاتى طقم الكوفرته الكابتونيه ال ٨ قطع حلو جدا لانه معاه ٢ ملايه اطفال . وفيه منه ٦ قطع ده من غير ملايات . 🔸 البطاطين ◀️ ♦️ ٣بطانيه سرير كبير خلى ٢ وزنهم تقيل و ١ أقل شويه والغى بطانيه الاطفال ومفارش القطيفه بديل ليها الدفايات 🔸 اللحاف ◀️ ♦️ لحاف فايبر قطيفه سرير كبير ♦️ لحاف فايبر اطفال فيه ٦ قطع و ٨ قطع 🔸الدفايات ◀️ ٣ دفايه سرير كبير + ٢ سرير اطفال 🔸مفرش العروسه ◀️ هاتى المفرش التركي الستان للسرير الكبير فقط وبيكون معاه ملايه ستان والنوع ده ارق واحلى من التانى الكبير اوى اللى بمبلغ وقدره ومتجبيش للاطفال ملوش لازمه . وممكن بدل المفرش ده تجيبه طقم سرير اوف وايت مطزر بالجوبير وتكون حاجه رقيقه كده وهتقدرى تستخدميها بعدين . وربنا يوفق كل عروسه بتجهز ويسعدها يارب 🌼♥️ #جهزى_صح ✅ أتمني السلسله دي تفيدكم يابنات صاحبه البوست / مروه منصور ❤️